PUBLICACIONES

EGAN. Euskalerriaren Adiskideen Elkartearen literatura aldizkaria

EGAN aldizkariaren garai berria

Egan literatur aldizkaria da, eta Euskalerriaren Adiskideen Elkarteak 1948. urtetik argitaratzen du. 1953an hasi zen euskara hutsez argitaratzen, Antonio Arruek, Aingeru Irigaraik eta Koldo Mitxelenak aldizkariaren zuzendaritza hartu zutenean. Ordutik Egan euskara hutsezko aldizkaria da. Seihilabetekaria.

Aldizkariaren ibilbidean aldi berri bat zabaldu nahi da, eta Egan aldizkari zientifikoen artean kokatu. Xede hori erdieste aldera, Erredakzio Kontseilu sortu berria ahalegin berezia egiten ari da aldizkariaren kalitatea hobetzeko, batik bat edukiaren, hizkuntzaren eta estiloaren aldetik. Edukiaren arloan, binakako ebaluazio sistema (itsu bikoitza) erabiliko da; euskararen kalitatea zainduko da, eta testuak Euskaltzaindiaren arauetara egokituko dira; aldizkariaren estiloari dagokionez, jatorrizko idazlanak aurkezteko irizpideak ezarri dira eta argitalpenak bateratuko dira.

Asmo berri honetan, literatura arloko ikerketa-artikuluak bultzatu eta argitaratu nahi dira. Sail horretan aldizkariak leku egin nahi die saiakera eiteko idazlanei ere. Orobat argitara emango dira literaturaz diharduten liburuen aipamenak. Beste diziplina bati atxikiak izan arren, literaturarekin ageriko lotura izan dezaketen lanak ere aintzat hartuko dira.

Literatura azterketen lerroa ez ezik sorkuntzarena ere zabalik du Eganek, eta poesia, narrazio laburrak eta itzulpenak biltzen ditu, aldizkariaren ibilbideari jarraituz.

Egan aldizkariaren Erredakzio Kontseilua:
Zuzendaria: Koro Segurola Azkonobieta (EAE. Euskaltzaindia)
Erredakzio arduraduna: Izaro Arroita Azkarate (UPV/EHU)
Iñaki Aldekoa Beitia (UPV/EHU)
Amaia Elizalde Estenaga (UPV/EHU)
Ana Gandara Sorarrain (UPV/EHU)
Beñat Sarasola Santamaria (UPV/EHU)
Joseba Sarrionandia Uribelarrea (Idazlea)
Juan Luis Zabala Artetxe (Idazlea. Itzultzailea)

 


 

EGAN ALDIZKARIA · ESTEKA WEBGUNE BERRIRA

 


ARGITALPENAK

 


 

IDAZLANAK AURKEZTEKO JARRAIBIDEAK

 


 

logo-ikurra2

DIRECCION DE LA REAL SOCIEDAD BASCONGADA DE LOS AMIGOS DEL PAÍS

Palacio – Intsausti
Aptdo. 105 – 20720 AZKOITIA
Tel. 943 285 577
E-mail: intsausti.rsbap@gmail.com

Este sitio web utiliza cookies propias y de terceros para optimizar su navegación y realizar labores analíticas. Para obtener más información sobre las cookies que utilizamos y cómo eliminarlas, consulte nuestra Política de Cookies.

Acepto las cookies de este sitio.